---
title: "സ്വർണ്ണമാല മോഷ്ടിച്ച കേസിൽ ഒളിവിലായിരുന്ന വീട്ടുജോലിക്കാരി അറസ്റ്റിൽ "
english_title: "Kannur Maid Arrested For 2.5 Pavn Gold Chain Theft - Accomplice Held Earlier"
publisher: "thaliparambanews.in"
canonical_url: "https://thaliparamba.truevisionnews.com/news/377175/kannur-maid-arrested-gold-chain-theft-kizhuthalli"
published_at: "2026-08-07T10:17:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a75646540788_1000595415.jpg"
keywords: ["Kannur News", "Gold Theft", "Maid Arrested", "Kerala Crime", "Town Police", "Kizhuthalli"]
---

# സ്വർണ്ണമാല മോഷ്ടിച്ച കേസിൽ ഒളിവിലായിരുന്ന വീട്ടുജോലിക്കാരി അറസ്റ്റിൽ 

> **Lead Summary:** കണ്ണൂർ: വീട്ടുജോലി ചെയ്യുന്നതിനിടെ വീട്ടുടമയുടെ സ്വർണം മോഷ്ടിച്ച കേസിൽ വീട്ടുജോലിക്കാരി അറസ്റ്റിൽ. ആറ്റടപ്പ സ്വദേശിനി എം.കെ. സവിതയെ ആണ് ടൗൺ പോലീസ് അറസ്റ്റ് ചെയ്തത്. 

## Article Content

കണ്ണൂർ: വീട്ടുജോലി ചെയ്യുന്നതിനിടെ വീട്ടുടമയുടെ സ്വർണം മോഷ്ടിച്ച കേസിൽ വീട്ടുജോലിക്കാരി അറസ്റ്റിൽ. ആറ്റടപ്പ സ്വദേശിനി എം.കെ. സവിതയെ ആണ് ടൗൺ പോലീസ് അറസ്റ്റ് ചെയ്തത്. 

ടൗൺ എസ്.ഐ. വൈഷ്ണവ് രാമചന്ദ്രന്റെ നേതൃത്വത്തിലുള്ള പോലീസ് സംഘമാണ് പയ്യന്നൂരിൽ ഒളിവിൽ കഴിയുകയായിരുന്ന സവിതയെ പിടികൂടിയത്.

കണ്ണൂർ കിഴുത്തള്ളിയിലെ പുഷ്പയുടെ വീട്ടിൽ നിന്നാണ് രണ്ടരപ്പവൻ തൂക്കമുള്ള സ്വർണമാല മോഷ്ടിച്ചത്. അലമാരയിൽ സൂക്ഷിച്ചിരുന്ന മാലയാണ് പ്രതി കവർന്നത്.

സംഭവവുമായി ബന്ധപ്പെട്ട് എളയാവൂർ സൗത്ത് സ്വദേശി എം. ഷിനോജിനെ കഴിഞ്ഞ ദിവസം പോലീസ് അറസ്റ്റ് ചെയ്തിരുന്നു. പുഷ്പയുടെ വീടിന് മുകളിൽ വാടകയ്ക്ക് താമസിച്ചിരുന്ന ആളാണ് ഷിനോജ്.

പോലീസ് പറയുന്നതനുസരിച്ച് പുഷ്പയുടെ വീട്ടിൽ ജോലി ചെയ്തിരുന്ന സവിത സ്വർണമാല കണ്ട് വെക്കുകയായിരുന്നു. പിന്നീട് ഷിനോജുമായി ചേർന്ന് അതിക്രമിച്ച് കയറി മാല മോഷണം നടത്തുകയായിരുന്നു.

മോഷ്ടിച്ച മാല വിറ്റഴിക്കാനുള്ള ശ്രമത്തിലായിരുന്നു പ്രതികൾ. കൂടുതൽ അന്വേഷണത്തിനായി ഇരുവരെയും കോടതിയിൽ ഹാജരാക്കും.

വീടുകളിൽ ജോലിക്കാരെ നിയമിക്കുമ്പോൾ ജാഗ്രത പാലിക്കണമെന്ന് പോലീസ് നിർദേശിച്ചു.

### Related Links & Sources
- [Original Story Source](https://thaliparamba.truevisionnews.com/news/377175/kannur-maid-arrested-gold-chain-theft-kizhuthalli)