---
title: "ജപ്പാനിൽ ട്രെയിൻ തട്ടി മരിച്ച ഇരിട്ടി സ്വദേശി ദേവികയുടെ ചിതാഭസ്മം നാളെ നാട്ടിലെത്തിക്കും"
english_title: "Kannur Iritty Girl Devika Died In Japan Train Accident Ashes To Reach Home Tomorrow"
publisher: "thaliparambanews.in"
canonical_url: "https://thaliparamba.truevisionnews.com/news/387018/japan-train-accident-kannur-iritty-devika-ashes-to-reach-kerala-tomorrow"
published_at: "2026-10-14T13:22:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6acf34ee6a4ab_IMG-20191107-WA0074.jpeg"
keywords: ["Kannur News", "Iritty News", "Japan News", "Norka Roots", "Kerala Diaspora News"]
---

# ജപ്പാനിൽ ട്രെയിൻ തട്ടി മരിച്ച ഇരിട്ടി സ്വദേശി ദേവികയുടെ ചിതാഭസ്മം നാളെ നാട്ടിലെത്തിക്കും

> **Lead Summary:** കണ്ണൂർ:ജപ്പാനിൽ ട്രെയിൻ തട്ടി മരിച്ച കണ്ണൂർ ഇരിട്ടി പടിയൂർ സ്വദേശി വി. ദേവികയുടെ ചിതാഭസ്മം നാളെ നാട്ടിലെത്തിക്കും. പുലർച്ചെ വിമാനമാർഗം തിരുവനന്തപുരം അന്താരാഷ്ട്ര വിമാനത്താവളത്തിലെത്തിക്കുന്ന ചിതാഭസ്മം നോർക്ക റൂട്ട്സ് അധികൃതർ ഏറ്റുവാങ്ങി ബന്ധുക്കൾക്ക് കൈമാറും.

## Article Content

കണ്ണൂർ:ജപ്പാനിൽ ട്രെയിൻ തട്ടി മരിച്ച കണ്ണൂർ ഇരിട്ടി പടിയൂർ സ്വദേശി വി. ദേവികയുടെ ചിതാഭസ്മം നാളെ നാട്ടിലെത്തിക്കും. പുലർച്ചെ വിമാനമാർഗം തിരുവനന്തപുരം അന്താരാഷ്ട്ര വിമാനത്താവളത്തിലെത്തിക്കുന്ന ചിതാഭസ്മം നോർക്ക റൂട്ട്സ് അധികൃതർ ഏറ്റുവാങ്ങി ബന്ധുക്കൾക്ക് കൈമാറും.

തുടർന്ന് ജന്മനാട്ടിലേക്കു കൊണ്ടുപോകും.

മൃതദേഹം നാട്ടിലെത്തിക്കാൻ കഴിയാത്ത ഔദ്യോഗിക നടപടിക്രമങ്ങളിലെ ബുദ്ധിമുട്ടുകൾ കാരണം, കുടുംബത്തിന്റെ അനുവാദത്തോടെ ജപ്പാനിൽ വെച്ചായിരുന്നു സംസ്കാര ചടങ്ങുകൾ നടത്തിയത്. ജപ്പാനിലെ ഗിഫു പ്രവിശ്യയിലുള്ള കകമിഗാഹാരയിൽ കഴിഞ്ഞ മാസം (സെപ്റ്റംബർ) 2-നാണ് ദേവികയെ ട്രെയിൻ തട്ടി മരിച്ചനിലയിൽ കണ്ടെത്തിയത്.

ലാബ് ടെക്നിഷ്യൻ കോഴ്സ് പൂർത്തിയാക്കിയ ശേഷം, ജപ്പാനിലെ ഒരു സാമൂഹികക്ഷേമ സ്ഥാപനത്തിൽ നഴ്സിങ് അസിസ്റ്റന്റായി ആറു മാസം മുൻപാണ് ദേവിക ജോലിയിൽ പ്രവേശിച്ചത്.

ജപ്പാനിൽ വെച്ച് ദേവികയെ കാണാതായതിനെത്തുടർന്ന് ബന്ധുക്കൾ മുഖ്യമന്ത്രിക്കും നോർക്ക അധികൃതർക്കും ഉൾപ്പെടെ പരാതി നൽകിയിരുന്നു. തുടർന്നുള്ള നയതന്ത്ര തലത്തിലുള്ള ഇടപെടലുകളെ തുടർന്നാണ് ചിതാഭസ്മം നാട്ടിലെത്തിക്കാനുള്ള നടപടികൾ പൂർത്തിയായത്.

### Related Links & Sources
- [Original Story Source](https://thaliparamba.truevisionnews.com/news/387018/japan-train-accident-kannur-iritty-devika-ashes-to-reach-kerala-tomorrow)