---
title: "കൊയ്യത്ത് പുതുതായി നിർമ്മിച്ച മറിയം ജുമാ മസ്ജിദിന്റെ മനോഹരമായ തെർമോകോൾ മാതൃക നിർമ്മിച്ച് വിസ്മയമായി റൗസീന സുബൈർ"
english_title: "Mariyam Juma Masjid Koyyam Model Rouseena Subair Thermocol"
publisher: "thaliparambanews.in"
canonical_url: "https://thaliparamba.truevisionnews.com/news/390213/mariyam-juma-masjid-koyyam-model-rouseena-subair"
published_at: "2026-11-04T17:18:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6aeb1ba05ed9a_1000972460.jpg"
keywords: ["Mariyam Juma Masjid", "Koyyam", "Rouseena Subair", "Mosque Model", "Valakkai"]
---

# കൊയ്യത്ത് പുതുതായി നിർമ്മിച്ച മറിയം ജുമാ മസ്ജിദിന്റെ മനോഹരമായ തെർമോകോൾ മാതൃക നിർമ്മിച്ച് വിസ്മയമായി റൗസീന സുബൈർ

> **Lead Summary:** *വളക്കൈ:* കൊയ്യത്ത് പുതുതായി നിർമ്മിച്ച മറിയം ജുമാ മസ്ജിദിന്റെ ഒരു മനോഹരമായ മാതൃകയാണിത്.

## Article Content

*വളക്കൈ:* കൊയ്യത്ത് പുതുതായി നിർമ്മിച്ച മറിയം ജുമാ മസ്ജിദിന്റെ ഒരു മനോഹരമായ മാതൃകയാണിത്.

വെള്ള നിറത്തിലുള്ള വലിയ ഡോമും, ഇരുവശത്തുമുള്ള ചെറിയ മിനാരങ്ങളും, അകത്ത് തെളിയുന്ന മഞ്ഞ വെളിച്ചവും കൂടി ആയപ്പോൾ യഥാർത്ഥ പള്ളി തന്നെ ചെറുതാക്കി വെച്ചത് പോലെയുണ്ട്. ജനലുകളിലെ ഡിസൈനും, താഴെയുള്ള പച്ച ചെടികളും, പച്ച പരവതാനി പോലുള്ള അടിത്തറയും ഇതിനെ കൂടുതൽ മനോഹരമാക്കുന്നു.

തെർമോകോൾ കൊണ്ട് ഇത്രയും സൂക്ഷ്മതയോടെ, ഇത്രയും സ്നേഹത്തോടെ ഉണ്ടാക്കിയതാണെന്ന് കണ്ടാൽ തന്നെ അറിയാം. ഓരോ ചെറിയ ഡീറ്റെയിലും എത്രമാത്രം ക്ഷമയും കഴിവുമുണ്ടെന്ന് മനസ്സിലാകും.

കൊയ്യം മഹല്ല് നിവാസിയും സാമൂഹിക രാഷ്ട്രീയ പ്രവർത്തകനുമായ പ്രവാസി സുബൈറിന്റെ ഭാര്യ റൗസീന സുബൈറാണ് മനോഹരമായ മാതൃക നിർമ്മിച്ചത്. ബദർ ജുമാ മസ്ജിദിന്റെയും, മദ്രസയുടെയും മോഡലുകൾ ഇതിന് മുമ്പ് റൗസീന സുബൈർ നിർമ്മിച്ചിട്ടുണ്ട്.

നവംബർ 5 ന് വ്യാഴാഴ്ച കൊയ്യോട് ഉമ്മർ മുസ്ല്യാരുടെ സാന്നിധ്യത്തിൽ പാണക്കാട് സയ്യിദ് സാദിഖലി ശിഹാബ് തങ്ങൾ മസ്ജിദ് ഉദ്ഘാടനം ചെയ്യും.

### Related Links & Sources
- [Original Story Source](https://thaliparamba.truevisionnews.com/news/390213/mariyam-juma-masjid-koyyam-model-rouseena-subair)