തളിപ്പറമ്പ്, ജൂൺ 20, 2025: കേരള സർക്കാരിന്റെ "ലഹരി വിമുക്ത നവകേരളം - പഠനമാകട്ടെ ലഹരി" ക്യാമ്പയിന്റെ ഭാഗമായി സർ സയ്യിദ് ഹയർ സെക്കൻഡറി സ്കൂളിലെ ഭാരത് സ്കൗട്ട് & ഗൈഡ്, റോവേഴ്സ് & റേഞ്ചേഴ്സ് യൂണിറ്റുകളുടെ ആഭിമുഖ്യത്തിൽ വിപുലമായ ബോധവൽക്കരണ പരിപാടി സംഘടിപ്പിച്ചു. സ്കൂൾ തല ക്യാമ്പയിന്റെ ഉദ്ഘാടനവും ഈ പരിപാടിയുടെ ഭാഗമായി നടന്നു.
സ്കൗട്ട് & ഗൈഡ് യൂണിറ്റിലെ 100 വിദ്യാർത്ഥികളും റോവേഴ്സ് & റേഞ്ചേഴ്സ് യൂണിറ്റിലെ 24 വിദ്യാർത്ഥികളും പരിപാടിയിൽ പങ്കെടുത്തു.
പരിപാടിയുടെ വിശദാംശങ്ങൾ:
പരിപാടിക്ക് ജോഷിന എൻ (ഗൈഡ് ക്യാപ്റ്റൻ, സർ സയ്യിദ് എച്ച്.എസ് യൂണിറ്റ്) സ്വാഗതം ആശംസിച്ചു. സ്കൂൾ ഹെഡ് മാസ്റ്റർ മഹറൂഫ് അനിയത്ത് അധ്യക്ഷ പ്രസംഗം നടത്തി. സി.ഡി.എം.ഇ.എ ജനറൽ സെക്രട്ടറി മഹമൂദ് അല്ലംകുളം മുഖ്യാതിഥിയായിരുന്നു.
പി.ടി.എ പ്രസിഡന്റ് സി.വി. ഫൈസൽ യൂണിറ്റ് തല ക്യാമ്പയിന്റെ ഔദ്യോഗിക ഉദ്ഘാടനം നിർവഹിച്ചു. മുഖ്യാതിഥി മഹമൂദ് അല്ലംകുളം, സിവിൽ എക്സൈസ് ഓഫീസർ കലേഷ് എം-ന് ഉപഹാരം സമർപ്പിച്ചു.
തളിപ്പറമ്പ് എക്സൈസ് ഓഫീസിലെ സിവിൽ എക്സൈസ് ഓഫീസർ എം. കലേഷ് ലഹരി വിരുദ്ധ ബോധവൽക്കരണ ക്ലാസ് നയിച്ചു. ലഹരിയുടെ ദൂഷ്യവശങ്ങളെക്കുറിച്ചും യുവതലമുറയിൽ അത് വരുത്തുന്ന ഭവിഷ്യത്തുകളെക്കുറിച്ചും അദ്ദേഹം വിശദമായി സംസാരിച്ചു.
കെയി സാഹിബ് ട്രെയിനിംഗ് കോളേജ് പ്രിൻസിപ്പൽ അബ്ദുൾ റഹ്മാൻ കെ, സർ സയ്യിദ് എച്ച്.എസ്.എസ് പ്രിൻസിപ്പൽ അൻവർ പി.എസ്, എം.പി.ടി.എ ദീപ രഞ്ജിത്, കോമൺ സ്റ്റാഫ് സെക്രട്ടറി മുംതാസ് എ.പി.വി, HSS സ്റ്റാഫ് സെക്രട്ടറി മുഹമ്മദ് ബഷീർ വി.കെ എന്നിവർ ആശംസകൾ അർപ്പിച്ച് സംസാരിച്ചു.
പരിപാടിക്ക് ഫായിസ മഹമൂദ് കേ. കെ (റേഞ്ചർ ലീഡർ, സർ സയ്യിദ് എച്ച്.എസ് യൂണിറ്റ്) നന്ദി പറഞ്ഞു.
sirsyed school
.jpg)
