ചെറുകുന്ന്: ഫിഷറീസ് വകുപ്പ് - ചെറുകുന്ന് ഗ്രാമപഞ്ചായത്ത് സംയുക്ത നേതൃത്വത്തിൽ 'നല്ലോണം മീനോണം' പദ്ധതിയുടെ ഭാഗമായി ജലകൂട് മത്സ്യകൃഷിയുടെ വിളവെടുപ്പ് നടത്തി.
ചെറുകുന്ന് ഗ്രാമപഞ്ചായത്ത് പ്രസിഡന്റ് ടി. നിഷ വിളവെടുപ്പ് ഉദ്ഘാടനം ചെയ്തു. പഞ്ചായത്തിന്റെ 2023-24 വാർഷിക പദ്ധതിയിൽ ഉൾപ്പെടുത്തി ആരംഭിച്ച മത്സ്യകൂട് കൃഷി കെ.വി. ഇന്ദു എന്ന കർഷകയാണ് നടത്തിയത്.
ചടങ്ങിൽ പഞ്ചായത്ത് വൈസ് പ്രസിഡന്റ് പി.വി. സജീവൻ, വാർഡ് അംഗം കെ. അനിത, അസിസ്റ്റന്റ് ഫിഷറീസ് എക്സ്റ്റൻഷൻ ഓഫീസർ മിനി നാരായണൻ, പ്രൊജക്റ്റ് കോ-ഓർഡിനേറ്റർ കെ. സന്ധ്യ, അക്വാകൾചർ പ്രമോട്ടർ കെ.ടി. സിനി എന്നിവർ പങ്കെടുത്തു.
Nallonam Meenonam
