ന്യൂഡല്ഹി: പാചകവാതക വില വർദ്ദിപ്പിച്ച് എണ്ണക്കമ്പനികള്. വാണിജ്യ സിലിണ്ടറുകളുടെ വിലയാണ് ഒറ്റയടിക്ക് ആയിരം രൂപയ്ക്ക് അടുത്ത് വര്ധിപ്പിച്ചിരിക്കുന്നത്. ഗാര്ഹിക സിലിണ്ടര് വിലയില് മാറ്റമില്ല.വാണിജ്യ സിലിണ്ടറിന്റെ (19 കിലോഗ്രാം) വില 993 രൂപയാണ് വര്ധിപ്പിച്ചത്. ഇതോടെ സിലിണ്ടര് വില 3000 രൂപ കടന്നു. 3085 രൂപയാണ് കൊച്ചിയിലെ പുതിയ സിലിണ്ടര് വില. തിരുവനന്തപുരത്ത് 3106 രൂപ. കോഴിക്കോട്ട് 3117.5 രൂപ എന്നിങ്ങനെയാണ്.
ഒറ്റത്തവണ ഇത്രയും വില കൂട്ടുന്നത് അപൂര്വമാണ്. ഒറ്റയടിക്ക് സിലിണ്ടറിന്റെ വില വലിയ തോതില് കൂട്ടിയത് ഹോട്ടല്, റസ്റ്ററന്റുകള്, തട്ടുകടകള് തുടങ്ങിയവയുടെ പ്രവര്ത്തനം താളം തെറ്റിക്കും. പ്രവര്ത്തനച്ചെലവ് കുത്തനെ കൂടുന്നതിനാല്, ഭക്ഷണ വിഭവങ്ങളുടെ വില കൂട്ടാനും ഇടയാക്കിയേക്കും. ഇത് സാധാരണക്കാരന്റെ ബജറ്റിനെയും ബാധിക്കും.
gas cylinder rate
.jfif)
.jpeg)
