തൃച്ചംബരം ശ്രീകൃഷ്ണ ക്ഷേത്ര ഉത്സവവുമായി ബന്ധപ്പെട്ട് തൃച്ചംബരത്ത് ഇക്കുറി അത്യപൂർവ സന്യാസി സംഗമം നടക്കും

തളിപ്പറമ്പ: മാർച്ച് 7 ന് വൈകുന്നേരം 3 മണിയോടുകൂടി ശങ്കര പരമ്പരയിൽ പെട്ട സന്യാസി വര്യന്മാരായ തെക്കെമഠം മൂപ്പിൽ സ്വാമിയാർ ശ്രീമദ് വാസുദേവാനന്ദ ബ്രഹ്മാനന്ദഭൂതികൾ, ഇടനീർ മഠം മൂപ്പിൽ സ്വാമിയാർ ശ്രീമദ് സച്ചിതാനന്ദ ഭാരതികൾ,നടുവിൽ സ്വാമിയാർ മഠം മൂപ്പിൽ സ്വാമിയാർ ശ്രീമദ് അച്ചുതാനന്ദ ഭാരതികൾ,ശ്രീമദ് നാരായണ ബ്രഹ്മാനന്ദ തീർത്ഥ തൃക്കൈക്കാട്ട് മഠംമൂപ്പിൽ സ്വാമിയാർ, നടുവിൽ മഠം ഇളമുറ സ്വാമിയാർ ശ്രീമദ് പാർത്ഥസാരഥി സ്വാമികൾ എന്നീ മഹാത്മാക്കൾ ഒരുമിച്ച് എഴുന്നള്ളുന്നത്. .

തൃച്ചംബരം നടുവിൽ മoത്തിലേക്കാണ് സ്വാമിയാരുടെ എഴുന്നള്ളത്ത് .വർഷങ്ങൾക്ക് ശേഷമാണ് ഇത്തരത്തിൽ ഒരു സന്യാസി സംഗമം തൃച്ചംബരത്ത് നടക്കുന്നത്.പൂർവ്വകാലത്ത് ചാതുർമാസ്യ വ്രതകാലത്തിനു ശേഷം തീർത്ഥാടനത്തിന് ഇറങ്ങുന്ന സന്യാസിമാർ പ്രതിവർഷം സംഗമിക്കാറുള്ളത് തൃച്ചംബരം ഉത്സവ കാലത്ത് ആണ്.എന്നാൽ വർഷങ്ങളായി ഈ സംഗമം ഇവിടെ പതിവില്ല.ഉത്സവ കാലത്ത് അതത് സന്യാസിമാർക്ക് ഒഴിവുള്ള ഏതെങ്കിലും ഒരു ദിവസം തൃച്ചംബരത്ത് വന്ന് നൃത്തത്തിൽ പങ്കെടുക്കുക മാത്രമായി പതിവ്. ഇക്കുറി ശ്രീ രാഘവപുരം സഭായോഗത്തിൻ്റെയും, തൃച്ചംബരം നടുവിൽ മഠം യജുർവേദവേദ പാഠശാലാ കമ്മിറ്റിയുടെയും നേതൃത്വത്തിൽ ആണ് ഇപ്രകാരം സന്യാസി സംഗമം പൂർവ്വ സമ്പ്രദായത്തിൽ സംഘടിപ്പിക്കുന്നത്.

മാർച്ച് 7 ന് തൃച്ചംബരത്ത് എത്തുന്ന സന്യാസിമാർ അന്ന് വിധി പ്രകാരം ക്ഷേത്ര ദർശനം നടത്തും.തുടർന്ന് മാർച്ച് 8 ന് ഞായറാഴ്ച രാവിലെ 6 മണിക്കുള്ള മോലോത്ത് നൃത്തത്തിൽ തൃച്ചംബരത്തപ്പനോടൊപ്പം ആനന്ദനൃത്തമാടാൻ സന്യാസിമാർ സന്നിഹിതരാകും .തുടർന്ന് 8 മണിയോടെ തൃച്ചംബരം നടുവിൽ മഠത്തിൽ ഭിക്ഷ അമൃതേത്തും വെച്ച് നമസ്കാരവും നടക്കും.ഈ സമയത്ത് ഭക്ത ജനങ്ങൾക്കും വച്ച് നമസ്കരിക്കാൻ അവസരം ഉണ്ടായിരിക്കുമെന്ന്നടുവിൽ മഠം വേദ പാഠശാലാ കമ്മറ്റി പ്രസിഡണ്ട് മേപ്പള്ളി നാരായണൻ നമ്പൂതിരി ,സെക്രട്ടറി എം എം വാമനൻ നമ്പൂതിരി എന്നിവർ അഭിപ്രായപ്പെട്ടു.

Trichambaram Sree Krishna Temple Festival