ചട്ടുകപ്പാറ : കുറ്റ്യാട്ടൂർ പഞ്ചായത്ത് സർവ്വീസ് സഹകരണ ബാങ്കിൻ്റെ നേതൃത്വത്തിൽ SSLC , +2 ഫുൾ എ പ്ലസ് നേടിയ വിദ്യാർഥികൾക്ക് അനുമോദനവും കാഷ് അവാർഡ് വിതരണവും സംഘടിപ്പിച്ചു. ജില്ലാ പഞ്ചായത്ത് പ്രസിഡൻ്റ് അഡ്വ ബിനോയ് കുര്യൻ ഉദ്ഘാടനം ചെയ്തു. ബേങ്ക് പ്രസിഡൻ്റ് പി.വി ഗംഗാധരൻ അധ്യക്ഷനായി .
ചടങ്ങിൽ കുറ്റ്യാട്ടൂർ പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എം പി പങ്കജാക്ഷൻ, ചട്ടുകപ്പാറ ഗവ. ഹയർസെക്കൻഡറി സ്കൂൾ ഹെഡ്മാസ്റ്റർ എം സി ശശീന്ദ്രൻ , പി ഗംഗാധരൻ എന്നിവർ ആശംസ അർപ്പിച്ചു സംസാരിച്ചു. അപകടത്തിൽ മരണപ്പെട്ടവരുടെ ഇൻഷുറൻസ് വിതരണം പി.വി. ഗംഗാധരൻ നിർവ്വഹിച്ചു. പരിപാടിയിൽ ബാങ്ക് സെക്രട്ടറി കെ നാരായണൻ സ്വാഗതവും കെ.സി ശിവാനന്ദൻ നന്ദിയും പറഞ്ഞു.
Content Highlight: A felicitation ceremony and cash award distribution
.jfif)
.jfif)
