കണ്ണൂര്: സലാല-ഹൈമ റോഡില് ഞായറാഴ്ച വൈകീട്ടുണ്ടായ വാഹനാപകടത്തില് യുവതി മരിച്ചു. കണ്ണൂര് എളയാവൂര് സീബ് മന്സിലില് മുഹമ്മദ് ഷാനിദിന്റെ ഭാര്യ തിലാന്നൂര് ബര്ഷമഹലില് ഫാത്തിമത്ത് ഷാനയാണ് (24) മരിച്ചത്. ഭര്ത്താവ് മുഹമ്മദ് ഷാനിദിനെയും (31) കൂടെ യാത്ര ചെയ്ത മുഹമ്മദ് അനസ് പൂളക്കലിനെയും (26) പരിക്കുകളോടെ സലാലയിലെ സുല്ത്താന് ഖാബൂസ് ആശുപത്രിയില് പ്രവേശിപ്പിച്ചു.
ജോലി കഴിഞ്ഞ് തിരിച്ചുവരുന്നതിനിടെ ഞായറാഴ്ച വൈകീട്ടാണ് അപകടം. കാര് നിയന്ത്രണം വിട്ട് മറിയുകയായിരുന്നെന്നാണ് വിവരം. മസ്കത്തിലെ സീബില് ഫാല്ക്കണ് ഗ്രാഫിക്സ്' എന്ന സ്ഥാപനത്തില് ജോലി ചെയ്യുന്നവരാണ് മുഹമ്മദ് ഷാനിദും മുഹമ്മദ് അനസും.അടുത്തിടെയാണ് ഫാത്തിമത്ത് ഷാന വിസിറ്റിങ് വിസയില് ഒമാനിലെത്തിയത്.
Content Highlight: Road accident near Salalah, Oman; woman from Kannur dies, two injured.
